117. இருவரையும் அழைத்தே யினிதே பிரார்தனைகள் பெருமானார் செய்தார்கள் பேறாக வாழ்வதற்கு
விளக்கம்.
நபிகள் நாயகம் அவர்கள் அந்த இருவரையும் அன்போடு தம்மிடம் அழைத்து, அவர்கள் இந்த உலகத்தில் எல்லாப் பேறுகளையும் பெற்று, இன்புற்று வாழ்வதற்காக மிகவும் இனிமையான முறையில் இறைவனிடம் பிரார்த்தனை செய்தார்கள்.
118. என்னினின்று முள்ளவர்கள் இவர்கள் இருவருமே என்னைச் சுத்தப்படுத்தி என்குறைக ளற்றதுபோல்
"என்னோடு வாழ்கின்ற மனிதர்களில் இந்த இருவருமே என்னை எப்போதும் சுத்தப்படுத்தி (எனக்கு நல்ல பணிவிடைகள் செய்து), என்னுடைய குறைகள் அனைத்தையும் நீக்கியவர்கள் ஆவர்" என்று பெருமானார் அவர்களின் நற்குணங்களைப் பாராட்டுகிறார்கள்.
119. இவ்விரு வர்தமையும் என்றுஞ்சுத்த மாக்கிவைப்பாய் இவ்வாறீ ருள்ளங்களில் ஈகையன்பு வளரச்செய்வாய்
"இறைவா! (எனக்குச் சேவை செய்த) இந்த இருவரையும் நீ எப்போதும் தூய்மையானவர்களாக வைத்திருக்க வேண்டும். இவர்களுடைய உள்ளங்களில் பிறருக்குக் கொடுக்கும் கொடைத் தன்மையையும் (ஈகை), எல்லோர் மீதும் காட்டும் அன்பையும் எப்போதும் வளரச் செய்வாயாக!" என்று வேண்டுகிறார்கள்.
120. சீதேவித் தன்மை சிற்த நற்பாக்கியமும் தீதற்ற விருத்தியையும் தீரா தருள்வாயே.
"மங்கலமான செல்வச் செழிப்பும் (சீதேவித் தன்மை), சிறந்த நல்வாய்ப்புகளும் (பாக்கியமும்), தீமைகளற்ற நல்வாழ்வின் வளர்ச்சியும் அவர்களுக்கு எப்போதும் குறையாமல் தொடர்ந்து கிடைக்குமாறு நீ அருள் புரிய வேண்டும்" என்று பிரார்த்திக்கிறார்கள்.
121. அவர்களிடைப் பேரன்பை அநுதினமும்நிலவச் செய்வாய் அவர்கள்தம் கிளையார்க்கும் அன்பையே ஈந்தருள்வாய்.
122. உலகத்தி னரும்பொருளாம் உண்மையின்பிறப்பிடமாம் நலமிக்க நாயகமே நலனுக்கு வேண்டினரே
"அவர்கள் இருவருக்கும் இடையே எப்போதும் நீங்காத பேரன்பு நாளுக்கு நாள் நிலவச் செய்ய வேண்டும். அவர்களது குடும்பத்தினருக்கும், சுற்றத்தாருக்கும் (கிளையார்க்கும்) உன்னுடைய அன்பையே நீ கொடையாகத் தர வேண்டும். உலகத்தின் அரிய பொருளாகவும், உண்மையின் பிறப்பிடமாகவும் விளங்கும் நன்மைகள் நிறைந்த இறைவா!" என்று பெருமானார் அவர்கள் அந்த இருவரின் நலனுக்காகவும் உருகி வேண்டினார்கள்.
தொடரும்....
No comments:
Post a Comment
படித்தது பிடித்ததா...?
கருத்தை சொல்லலாம் தானே
சொல்லுங்க....